Kryeministri i Shqipërisë, Edi Rama, ka zhvilluar një bisedë telefonike me presidentin e Turqisë, Rexhep Taip Erdogan, për t’i diskutuar marrëdhëniet dypalëshe, çështjet rajonale dhe zhvillimet globale.
Drejtoria e Komunikimit e Turqisë njoftoi se presidenti Erdogan gjatë bisedës telefonike vlerësoi miqësinë dhe dialogun e saj me Shqipërinë, duke deklaruar se bashkëpunimi midis dy vendeve do të vazhdojë të forcohet në periudhën e ardhshme.
Duke theksuar se organizimi i samiteve të Komunitetit Politik Evropian dhe Procesit të Bashkëpunimit të Evropës Juglindore në Shqipëri është një dëshmi e profilit ndërkombëtar në rritje të Shqipërisë, Erdogan shprehu urimin e tij për këtë sukses, raportojnë mediat turke.
Presidenti turk gjithashtu shprehu urimin e tij që zgjedhjet parlamentare që do të mbahen në Shqipëri nesër të jenë të mbara.
i.b./dita
