Presidenti amerikan, Donald Trump, ka konfirmuar shpëtimin e një oficeri të sistemeve të armëve, i cili ishte shpallur i zhdukur pas rrëzimit të një avioni luftarak F-15E Strike Eagle mbi territorin e Iranit.
Trump njoftoi se oficeri është gjetur dhe ndodhet në gjendje të mirë shëndetësore, pas një operacioni që ai e cilësoi si ndër më të guximshmit në historinë ushtarake amerikane.
“Gjatë orëve të fundit, Forcat e Armatosura të SHBA realizuan një nga operacionet më të guximshme të kërkim-shpëtimit për një nga oficerët tanë të shkëlqyer, një kolonel shumë i respektuar. Me kënaqësi ju informoj se ai është i sigurt dhe në gjendje të mirë”, shkroi Trump.
Trump tha se oficeri ndodhej në thellësi të territorit armik, në zona malore të rrezikshme në Iran, ndërsa ishte në ndjekje nga forcat kundërshtare. Operacioni i shpëtimit u organizua dhe u monitorua në kohë reale nga drejtuesit më të lartë ushtarakë amerikanë.
Presidenti bëri të ditur se, me urdhër të tij, në operacion u angazhuan dhjetëra avionë të pajisur me armatimin më të avancuar, për të siguruar rikthimin e oficerit. Ai shtoi se, megjithëse i plagosur, ushtaraku pritet të rikuperohet plotësisht.
Trump gjithashtu lëshoi një ultimatum 48-orësh për Teheranin për një marrëveshje, ndërsa një zyrtar i IDF tha se ata po presin dritën jeshile të SHBA-së për të sulmuar objektet energjetike iraniane. Po ashtu Trump pretendoi të shtunën vonë në mbrëmje se shumë zyrtarë të lartë ushtarakë iranianë u vranë në një breshëri bombardimesh në Teheran.
Si u shpëtua piloti i zhdukur amerikan
Një shkëmbim zjarri i ashpër. Dy aeroplanë shpëtimi u dëmtuan dhe më pas u “hodhën në erë” për të parandaluar rënien e tyre në duart e armikut. Dhe pastaj, siguria, përtej kufijve iranianë.
Kanë dalë detajet e para të misionit që çoi Shtetet e Bashkuara në shpëtimin e pilotit të Forcave Ajrore, F-15E Strike Eagle i të cilit u rrëzua dy ditë më parë në Iran. Piloti, tha Presidenti i SHBA-së Donald Trump, është “i plagosur, por do të shërohet”. Forcat e Operacioneve Speciale të SHBA-së hynë në veprim: qindra burra, dhjetëra avionë luftarakë dhe helikopterë, si dhe asete inteligjence, duke garuar me kohën për të parandaluar që piloti të merrej rob.
Operacioni i shpëtimit zgjati më shumë se dy ditë, një kërkim kompleks që përfshinte dhjetëra avionë, dronë dhe satelitë, ndërsa në tokë, ushtarë dhe civilë iranianë krehën zonën centimetër për centimetër, duke u përpjekur të kapnin amerikanin, i cili ishte i armatosur vetëm me pistoletën e tij. Duket se ka pasur një shkëmbim zjarri gjatë fazave të fundit të rikuperimit.
Gjetja e piloti të rrëzuar, i cili u fsheh me vetëm një pistoletë për mbrojtjen e tij, ka qenë përparësia kryesore për ushtrinë amerikane gjatë 48 orëve të fundit. Operacioni përfshinte qindra ushtarë të Forcave Speciale, dhjetëra avionë luftarakë dhe helikopterë, si dhe aftësi kibernetike, hapësinore dhe të inteligjencës, raportoi New York Times, duke cituar një zyrtar të lartë të Pentagonit.
Avionët sulmues hodhën bomba dhe hapën zjarr mbi kolonat iraniane për t’i mbajtur ata larg zonës ku fshihej piloti. Ndërsa forcat amerikane u mblodhën rreth pilotit të rrëzuar, shpërtheu një shkëmbim zjarri, sipas dy ish-zyrtarëve të lartë ushtarakë të njohur me çështjen.
Piloti, i pajisur me një sinjal radioje dhe një pajisje komunikimi të sigurt, ishte në gjendje të koordinohej me forcat e përfshira në shpëtim.
Pas shpëtimit të pilotit, sipas burimeve të cituara nga NYT, dy aeroplanë transporti që supozohej të transportonin komandot dhe pilotët në siguri mbetën të bllokuar në tokë, për arsye që janë ende të paqarta. Forcat amerikane më pas vendosën të dërgonin tre aeroplanë të tjerë për të shpëtuar të gjithë ushtarët e bllokuar dhe për të hedhur në erë dy aeroplanët që dolën jashtë përdorimit, në vend që t’i linin në duart e armikut.
Një helikopter amerikan ishte dëmtuar tashmë nga zjarri tokësor të premten, por arriti të kthehej në bazat amerikane në Irak.
Qindra personel të forcave speciale amerikane u vendosën në vend dhe duket se nuk ka viktima. Zyrtarët e përshkruan atë si një nga “operacionet më komplekse të këtij lloji”. Ndërkohë, Trump uroi ushtrinë për “kryerjen e një prej operacioneve më të guximshme të kërkim-shpëtimit në histori”. Piloti i plagosur u dërgua në Kuvajt për trajtim fillestar.
Ndërkohë, Gardianët e Revolucionit iranian vazhdojnë të mohojnë shpëtimin e pilotit dhe pretendojnë se dy helikopterë dhe një avion amerikan janë rrëzuar gjatë operacionit të shpëtimit. Ata e quajnë këtë “dështim të turpshëm” për Shtetet e Bashkuara.
New York Times gjithashtu ngre mundësinë që piloti mund të ketë marrë një formë mbështetjeje nga popullsia lokale, pasi F-15E u rrëzua në një zonë të Iranit ku opozita ndaj regjimit është veçanërisht e fortë.
Nuk përjashtohet mundësia që edhe CIA të ketë luajtur një rol, e cila, sipas NYT, “shpesh luan një rol në vendosjen e kontaktit me civilët që janë të gatshëm të ndihmojnë trupat e cenueshme të qëndrojnë gjallë, një proces i njohur si “shpëtim jo-konvencional në mënyrë të pazakontë”.
j.l./ dita
