Euro shënon rekord të ri rënie në tregun e valutës. Sipas Bankës së Shqipërisë, 1 Euro është këmbyer me 110.4 Lekë duke shënuar rënien më të madhe historike, krahasuar me një javë më parë kur këmbehej me 111.3 Lekë. Sipas ekspertëve të ekonomisë, kjo e epërsi e Lekut ndaj Euros vjen për shkak të mbingopjes së tregut me monedhën europaine.
“Në tregun monetar ka shumë Euro në Shqipëri dhe një ekuilibër i ndryshëm në raport me Lekun. Duhet të mësohemi që kemi një raport të ri Lekë-Euro që po bëhet strukturor.”
Përvec rritjes së investimeve të huaja në Shqipëri, sipas Civicit, sasia e madhe e Euros në tregun shqiptar lidhet edhe me rritjen e remitancave e afrimin e sezonit turistik.
“Sasia e Eurove në 1 apo 2 vitet e fundit në Shqipëri është shtuar së tepërmi edhe nga faktorë që kanë të bëjnë me rritjen e eksporteve, të të ardhurave nga sezoni turistik, edhe nga faktorë që kanë të bëjnë nga shtimi i invetsimeve të huaja, shumica e të cilave janë në Euro, edhe faktori që ka të bëjë me remitancat, të cilat pas periudhës së Covid po vijnë duke u shtuar dhe një sërë burimesh të tjera jo formale.”
Ky zhvlerësim i Euros pritet të vijojë deri në përfundim të sezonit turistik, i cili sipas turoperatrëve pritet të jetë më i mirë se ai i vitit të kaluar.
o.j/dita
