Eurodeputeti gjerman Michael Gahler, zëdhënës për politikën e jashtme i Grupit të Partisë Popullore Evropiane në Parlamentin Evropian, ka reaguar lidhur me protestat studentore në Shqipëri. Përmes një postimi në rrjetet sociale, ai ka ngritur shqetësime për korrupsionin dhe funksionimin e shtetit.
Gahler i cili ka drejtuar delegacionin e vëzhguesve të zgjedhjeve të Parlamentit Evropian në Shqipëri, deklaroi se gjatë angazhimit të tij ka dëshmuar, lidhje mes shtetit, partisë në pushtet dhe krimit të organizuar.
Michael Gahler thotë se qytetarët shqiptarë kanë kohë që protestojnë kundër korrupsionit dhe qeverisë. Sipas tij, këto shqetësime janë shumë të rëndësishme, sepse lidhen drejtpërdrejt me rrugën e Shqipërisë drejt integrimit në Bashkimin Evropian.
Michael Gahler: Duke drejtuar delegacionin e vëzhguesve të zgjedhjeve të Parlamentit Evropian (PE), kam dëshmuar lidhjet mes shtetit, partisë në pushtet dhe krimit të organizuar. Kam parë se prej sa kohësh qytetarët protestojnë kundër korrupsionit dhe qeverisë, duke ngritur shqetësime që prekin thelbin e perspektivës së integrimit evropian të Shqipërisë.
Having led the Ep‘s election observation delegation, witnessing links between state, ruling party + organised crime, I see how long citizens have protested against corruption and the government, raising concerns that go to the heart of Albania’s European integration perspective.
— Michael Gahler (@gahler_michael) October 21, 2026
j.l./ dita
