Komisioneri për Fqinjësi dhe Zgjerim i Bashkimit Evropian, Oliver Varhelyi, në një intervistë televizive ka folur me zhvillimin së shpejti të punimeve të Këshillit të 12-të të Stabilizim – Asociimit që do të mbahet në Tiranë.
I pyetur se cilat janë mesazhet që BE po kërkon të përcjellë për Shqipërinë dhe Ballkanin Perëndimor, Varhelyi tha se, Tirana është vendi i duhur, pasi e ka nxitur agjendën evropiane si kurrë më parë.
Sipas Varhelyi, BE është këtu për të parë progresin e bërë nga Shqipëria në rrugën e saj evropiane dhe lajmet, sipas tij, janë të mira, pasi vendi ynë ka bërë progres.
I pyetur për mesazhet që BE po kërkon të përcjellë për Shqipërinë dhe Ballkanin Perëndimor, Varhelyi tha se mesazhi që pas samitit të Tiranës,është se jemi tani këtu për të parë progresin e bërë nga Shqipëria në rrugën e saj evropiane dhe lajmet janë të mira, ka progres.
“Vitin e kaluar patëm Konferencën e parë Ndërqeveritare, këtë vit shpresoj që të bëjmë hapin tjetër me negociatat e anëtarësimit. Pra, bëmë një vlerësim, pamë çfarë kemi përpara dhe pata një sërë takimesh mjaft dinamike këtu. Ishin vërtet takime të mira, sepse kemi parë shumë arritje, të cilat i mbuluam vitin e kaluar, dhe këtë vit pritet edhe më shumë”, tha komisioneri për Fqinjësi dhe Zgjerim i Bashkimit Evropian, Oliver Varhelyi.
m.b./dita
