Sulmohet përsëri nga tifozët ultras turq gardiani i portës së skuadrës spanjolle. Sërish telashe për portierin serb të Sevillas, Marko Dmitrovic. Në raundin paraardhës të Europa League, gardiani u sulmua në fushë nga një tifoz i PSV, ndërsa tashmë numrin një të portës së spanjollëve e goditën me çakmak.
Në ndeshjen mes Fenerbahce dhe Sevilla, me rezultatin që ishte në shifrat 1-0 në favorin e vendasve dhe në fund kualifikoi miqtë që kishin fituar 2-0 të parën, disa huliganë turq hodhën sende të forta në fushë. Ishte një çakmak që dëmtoi gardianin serb, të cilit iu desh ndërhyrja e menjëhershme e stafit mjekësor. Ndeshja u ndërpre për disa minuta, ndërsa pamjet tashmë janë bërë virale gjithandej.
