Një hetim në SHBA është kthyer në mollë sherri në politikën e brendshme në Tiranë. Secila palë akuzon tjetrën për lidhje me rusët.
Por duket se dyshja Neza-Dizdari, shtetasi amerikan McGonigal, ashtu si edhe ndërmjetësi Duçka kanë mbaruar punët e tyre me të gjitha qeverisjet. Paraja dhe interesat i kanë hapur dyert e zyrave kryeministrore pavarësisht kush ka qenë brenda tyre.
Sipas dokumenteve që publikon sot redaksia e Abc24.al Charles F MC Gonigal, i cili McGonigal figuron edhe qytetar nderi i Tropojës, rezulton në Shqipëri si administrator i një biznesi që prej vitit 2007.
Më konkretisht në 10.07.2007 Charles F MC Gonigal ka hapur kompaninë me nr NIPTI K81310029E me kapital fillestar 80 milion lekë.
Aksioner të kësaj kompanie janë Shefqet Dizdari me 25% të aksioneve, Agron Neza/ Agron Nezaj gjithashtu me 25% të aksioneve dhe dy të huajt, Charles F MC Gonigal -25% të aksioneve dhe Mark Thomas Rossini -25%.
Kjo kompani raportonte xhiro vjetore që kapte shifrën e 140 milonë lekëve në vit. Aktualisht kjo kompani ka kaluar në statusin pasiv që prej datës 24.10.2019.
Shefqet Dizdari, aksioner i cili rezultonte me 25 % të aksioneve në kompaninë e ish-agjentit të FBI-së është nga Tropoja, ka një kontratë të vitit 2010 në fushën e naftës. Kësaj kompanie i ka ndryshuar emrin çdo 10 vite.
“Ka lidhje ruse dhe individ shqiptar të skeduar për trafik të qënieve njerëzore dhe trafik droge që do t’i sqarojmë në shkrimin e radhës” – shkruan ABC 24.
i.b. / dita
