Familjet e viktimave të 21 janarit kanë bërë kallëzim të ri në SPAK kundër Sali Berishës, Lulzim Bashës dhe Ndrea Prendit.
Një javë më parë, Prokuroria e Posaçme SPAK ka shpallur moskompentencë për dy kallëzimet e depozituara nga Ministria e Drejtësisë dhe Partia Socialiste për “21 janarin”, pas publikimit të audiopërgjimit të ri.
Mësohet se SPAK ia ka kaluar dy kallëzimet Prokurorisë së Tiranës për hetime të mëtejshme.
Mbetet për t’u parë si do veprohet me këtë kallzim të ri.
Në protestën e “21 janarit”, 12 vite më parë mbetën të vrarë Aleks Nika, Ziver Veizi, Hekuran Deda dhe Faik Myrtaj.
Protesta ishte e organizuar asokohe nga PS në opozitë.
Menjëherë pas vrasjeve, socialistët e vlerësuan ngjarjen si krim shtetëror, ku akuzuan kryeministrin e kohës Sali Berisha si përgjegjësin kryesor.
Por pas ardhjes në pushtet, premtimi për ndëshkim hyri në një kalvar shtyrjesh dhe justifikimesh.
j.l./ dita
