Partia Socialiste feston sot 32-vjetorin e themelimit. Kryeministri Edi Rama ka zgjedhur një foto të veçantë, një parashutë me flamurin tonë kombëtar teksa valëvitet në të dhe flamuri i Partisë Socialiste, për të urur.
Sipas tij, ky është flamuri i të vetmes forcë politike që në asnjë rast apo çast qysh prej krijimit të saj, nuk ka lëvizur nga drejtimi i interesit kombëtar.
Në vijim të mesazhit të tij, kryeministri Edi Rama thekson se PS është e vetmja forcë politike shqiptare, e cila votohet më shumë nga gratë se sa nga burrat.
“Dhe me flamurin e forcës së vetme politike shqiptare, që në asnjë rast apo çast qysh prej krijimit të saj, nuk ka lëvizur nga drejtimi i interesit kombëtar, duke qenë njëkohësisht e vetmja forcë politike shqiptare e cila votohet më shumë nga gratë se sa nga burrat, i uroj çdo anëtari e anëtareje të familjes sonë të madhe, gëzuar ditëlindjen e Partisë Socialiste, si edhe të gjithëve ju një ditë sa më të mbarë”, shkruan Rama në Facebook.
p.k\dita
