Skuadra vjollcë ku dikur militonin Gabriel Batistuta, Rui Kosta dhe Edmundo, rikthehet edhe një herë në majën e kupave europiane pas 25 vitesh. Hera e fundit ishte gjysmëfinalja e vitit 1997 kundër Barcelonës, teksa katalanasit kishin në fushë Ronaldo Nazairo, e vlefshme për Kupën e Kupave, ku u eliminuan me rezultatin total 1-3.
Fiorentina është skuadra e parë gjysmëfinaliste e Conference League. Skuadra nga Firence humbi 2-3 në “Artemio Franchi” përballë Lech Poznan. Por, italianët siguruan kalimin në gjysmëfinale falë fitores 1-4 në Poloni. Afonso Sousa zhbllokoi takimin në minutën e nëntë, falë një goditjeje që shtangu portierin Terracciano. Ndërkohë, skuadra udhëtuese ka realizuar edhe dy gola të tjerë në pjesën e dytë. Kristoffer Velde shënoi të dytin me penallti (65′). Katër minuta më vonë, Lech shënoi sërish me Artur Sobiech. Për të qetësuar skuadrën italiane mendoi Riccardo Sottil (78′). 23-vjeçari dërgoi topin në rrjetë dhe tifozët në festë. Fiorentina gjeti edhe golin e dytë në minutat shtesë. Gaetano Castrovilli tundi rrjetën kundërshtare, duke vulosur kalimin e skuadrës së tij mes katër më të mirave në Conference League.
