“Demokracia fitoi, Himara fitoi”, këto janë fjalët me të cilat e nis mesazhin e tij fituesi në zgjedhjet lokale për Himarën, Fredi Beleri.
Në një mesazh të bërë në ‘Facebook’, Beleri shprehet mirënjohës për të gjithë personat që nuk iu nënshtruan terrorizmit. Po ashtu, ai thotë se nuk ka humbës pasi të gjithë janë qytetarë të Himarës.
Deklarata e Fredi Belerit:
“Demokracia fitoi! Himara fitoi! Mirënjohës për të gjithë ata që treguan burrëri. I mirëkuptoj të gjithë ata që terrorrizmi u mundua t’i nënshtrojë. Sot nuk ka humbës dhe fitues, janë të gjithë qytetarë të Himarës dhe unë Kryebashkiaku i tyre dhe si i pari mes të barabartëve do të do të përparojmë së bashku që të bëhemi akoma më të fortë në mbrojtje të demokracisë dhe të Drejtave të Njeriut!”
Fredi Beleri u shpall fitues në Bashkinë e Himarës.
Me vetëm 19 vota para, Fredi Bleri ka arritur që të fitojë kundrejt Jorgo Goros. Fredi Beleri ka fituar 3837 vota në total, kundrejt 3818 vota që ka fituar Jorgo Goro.
j.l./ dita
