Me 71 vota kundër dhe një pro, Kuvendi rrëzoi kërkesën e opozitës për ngritjen e një komisioni hetimor për udhëtimet me charter të kryeministrit Edi Rama.
Nisma u votua mes zhurmës dhe kaosit të krijuar teksa opozita kishte bllokuar foltoren sepse kërkonte shpjegime nga kryeministri Edi Rama për lidhjet me ish zyrtarin e arrestuar të FBI-së, teksa kryeparlamentarja Lindita Nikolla vijonte seancën si në kushte normale dhe deputetët e PS i votuan projektligjet në rendin e ditës.
Projektvendimi “Për ngritjen e Komisionit Hetimor “Për verifikimin e ligjshmerisë së shpenzimeve të udhëtimeve me avion jashtë shtetit të Kryeministrit në detyrë, nga data 10.9.2013 deri me datë 31.10.2022″ mori një votë pro, ndërsa 65 deputetë të pranishëm nuk kanë votuar.
j.l./ dita
