Një fëmijë rezultoi i infektuar me HIV vitin e kaluar, ndërsa prindërit e tij rezultojnë negativë. Lajmi u bë publik në media më 1 Dhjetor të 2022, në ditën botërore të Sidës.
Gjykata e Tiranës do të hapë çështjen në lidhje me denoncimin e ndodhur në kryeqytet.
Prindërit e foshnjes akuzojnë Qendrën Spitalore Univeritare “Nënë Tereza” se fëmija i tyre është infektuar me HIV në ambientet e Pediatrisë kur ka qenë i shtruar.
Apeli mësohet se ka urdhëruar gjykatën që të hapë çështjen e foshnjës 1 vjeç me HIV, pas insistimit të familjes.
Dyshimet e tyre bien mbi spitalin QSUT, në reanimacionin e pediatrisë, ku djali u shtrua për disa ditë pasi vuante nga bronkopneumonia.
Nga analizat e realizuara, ato do të mësonin se djali i tyre mbarte një trup virusin HIV, që ata ende nuk e dinë se si është marrë, pasi spitali dhe të gjitha institucionet nuk kanë dhënë asnjë shpjegim.
Prindërit përforcojnë akuzat ndaj spitalit, pasi në dy teste që kanë kryer, si në shtetin gjerman dhe atë italian kanë rezultuar negativë nga HIV-i.
j.l./ dita
