Si gjithmonë në këto raste, Sali Berisha mbron një person që përplaset me policinë shqiptare. Sot Berisha, ka mbrojtur publikisht Ramiz Muçollarin, i cili vrau bashkëshorten e tij dhe goditi të birin, por që në operacionin për t’u arrestuar nga RENEA, u ekzekutua ngaqë sulmoi me armë Policinë.
Por kjo mbështetje e Sali Berishës për një person që ka sulmuar forcat e rendit nuk është pritur mirë nga ndjekësit e tij, të cilët nuk e kanë falur aspak por e kanë gozhduar. Duke i kujtuar se nuk i takon një figure politike që ka drejtuar shtetin që të mbrojë kriminelët.
Pas një “lufte” për rreth tetë orës mes forcave të RENEA-s dhe 62-vjeçarit, Ramiz Muçollari në Maliq, ky i fundit refuzoi të dorëzohej duke u ekzekutuar më pas me snajper në orët e para të mëngjesit.
Muçollari mbrëmjen e djeshme plagosi me thikë bashkëshorten tij Pëllumbeshë Muçallori dhe goditi me tytën e armës djalin e tij, Kamber Muçollari.
Mësohet se prej 20 vitesh, viktima kurohej nga probleme të shëndetit mendor dhe ka qenë pikërisht kjo arsye e nisjes së përplasjes mes tij dhe familjarëve.
Doktori kishte udhëzuar familjarët se 62-vjeçari është përkeqësuar dhe se duhet të shtrohet në psikiatri, mirëpo viktima nuk ka pranuar.
Pasi plagosi gruan dhe djalin, Ramiz Muçollari u mbyll në një dhomë i armatasur dhe fillimisht hapi zjarri ndaj efektivëve të policisë së Korçës. Këta të fundit lajmëruan RENEA-n, por edhe ndaj RENEA-s, 62-vjeçari ka qëlluar me armë zjarri.
Pas 8 orësh tentativë për ta bindur të dorëzohet, 62-vjeçari ka qëndruar i vendosur për të mos pranuar të dorëzohet dhe kjo bërë që forcat RENEA ta ekzekutojnë me snajper.
Ministria e Brendshme ka publikuar foto pas momentit të ekzekutimit ku shihet trupi i viktimës i mbuluar me gjak, ndërsa pranë tij është arma tip mitraloz dhe një arsenal fishekësh.
Shkëmbeu zjarr me Policinë lokale dhe më pas me forcat Speciale “Renea”, por si pasojë e shkëmbimit të zjarrit 62- vjeçari humbi jetën.
j.l./ dita
