Një suprizë e veçantë për të birin në këtë 18 vjetor, Dr. Skerdi Faria do t’iu habisë me dhuratën e ti
Edhe pse është një nga personazhet më karizmatikë dhe të njohur të medias në Shqipëri, kur vjen puna tek familja, Dr. Skerdi Faria, CEO i KEIT Day Hospital, ka zgjedhur gjithmonë të ruajë privatësinë.
Madje deri pak kohë më parë nuk kishim asnjë informacion për familjen e tij.
Ai ështe baba i dy fëmijëve, Elenën vajzën e tij të madhe e ka prezantuar me publikun disa kohë më parë në 18 vjetorin e saj, e ndërsa djalin, Gjergjin, vendosi ta njohë me publikun të shtunën e kaluar në festën e tij të ditëlindjes.
Përveçse një sipërmarrës i suksesshëm, Dr. Skerdi është gjithashtu një qytetar i përkushtuar ndaj komunitetit. Edhe pse jeton mes Tiranës dhe Romës, aty ku janë jeton dhe familja e tij, ai gjen gjithmonë kohë për t’u përfshirë në aktivitete të ndryshme sociale.
Këto hapa duken se po ndjekin edhe të dy fëmijët e tij. Në 18 vjetorin e saj Elena, u bë pjesë e fushatës “Edhe unë dua të jetoj” që ndërmori KEIT së bashku me Kryqin e Kuq Shqiptar, për të dhuruar gjak për fëmijët talasemikë.
Ndërsa Gjergji, këtë 18 vjetor, vendosi të mbjellë pemë në qytetin e Tiranës. Nismës “2 milion pemë për Tiranën” Gjergji nuk do t’i bashkohej i vetëm, ftesës së tij për të mbjellur pemë pranë Kryesisë së Kuvendit iu bashkuan me shumë entuziazëm 25 miq të tij italianë, të cilët ndër të tjera u shprehën se nuk kishin marrë pjesë më parë në aktivitete të tilla.
Kontributet për mjedisin dhe njerëzit në nevojë janë vetëm një pjesë e angazhimit të Dr. Skerdit. Në një kohë kur Shqipëria po përballet me largimin masiv të të rinjve, ai mbështet fort nismën “Të mbajmë të rinjtë në Shqipëri”.
Në qershorin e vitit të kaluar, ai rriti pagat për herë të dytë pas pandemisë për të gjithë punonjësit e KEIT, të cilët kalojnë mbi 200 persona, duke treguar kështu synimin dhe angazhimin e tij për të krijuar një vend pune motivues.
KEIT është një shembull i kontributit në komunitet. Dr. Skerdi është vazhdimisht i angazhuar në fushata sociale, duke përfshirë mbjelljen e pemëve, dhurimin e ndihmave për familjet në nevojë, ofrimin e bursave për fëmijët dhe organizimin e dhurimeve të gjakut.
KEIT ka dhuruar mbi 4000 njësi gjaku për fëmijët me talasemi, ka mbjellë rreth 200 pemë dhe ka dhuruar 86 stola për komunitetin.
Këto iniciativa jo vetëm që ndihmojnë drejtpërdrejt ata që janë në nevojë, por gjithashtu krijojnë një shembull pozitiv dhe frymëzues për të rinjtë. Duke i inkurajuar ata të kontribuojnë në shoqëri dhe të qëndrojnë në Shqipëri.
