Është prezantuar në Lukovë në Bashkinë e Himarës, albumi-guidë LUKOVA, një projekt i Qendrës për Angazhim, Transformim dhe Hulumtime, i financuar nga Ministria e Turizmit dhe Mjedisit si dhe nga Ministria e Ekonomisë, Kulturës dhe Inovacionit.
Guida e Lukovës përmban informacione në gjuhët shqip dhe anglisht për një nga zonat më piktoreske të rivierës sonë.
Albumi përmban foto dhe informacione të dobishme për turizmin lokal, përfshirë plazhet zyrtare dhe gjiret e fshehura, lokalet dhe hotelet më të mira në zonë, por jo vetëm kaq.
Në albumin-guidë janë përfshirë edhe objekte të trashëgimisë kulturore si dhe lokacione që dëshmojnë historinë e pasur të zonës.
Administratorë të bizneseve lokale, banorë autoktonë, investitorë dhe turistë të huaj morën gjatë fundit të muajit gusht në duar një guidë të vlefshme.
Në prezantimin e albumit drejtuesit e Qendrës për Angazhim Transformim dhe Hulumtime falënderuan Ministrinë e Turizmit dhe Mjedisit si dhe Ministrinë e Ekonomisë, Kulturës dhe Inovacionit për mbështetjen.
Një falënderim i veçantë shkoi për banorët e zonës, për ndihmën dhe mikpritjen gjatë përgatitjes së albumit-guidë.
n.s. / dita
