Në vijim të aksionit për aferën e kompleksit ‘Partizani’, SPAK ka dhënë urdhër detyrim paraqitje edhe për Fatmir Bektashin.
Bektashi është mik dhe ortak i dhëndrit të Sali Berishës, Jamarbër Malltezi.
Bektashit i është komunikuar masa në banesën e tij, ndërsa pritet të përballet me akuzën për ‘pastrim parash.
Vetë Malltezi u vu në pranga mbrëmjen e kësaj të shtunë në aeroportin ‘Nënë Tereza’, në momentin që sapo ka zbritur nga avioni pasi po kthehej nga Gjermania.
GJKKO ka caktuar dhe masë sigurie ‘detyrim paraqitje’ dhe ndalim për dalje jashtë vendit edhe për Sali Berishën.
Ky i fundit ka dalë në një konferencë për media në orën 21:00 nga ku i ka quajtur arrestimet politike dhe thotë se Spak-un e urdheron Rama. Kurse për kompleksin Partizani, tha që fajin e ka Fatos Nano.
Kompleksi sportiv Partizani me 26 mijë metër katrorë, pronë e ushtrisë, u zëvendësua brenda pak vitesh nga një kompleks pallatesh, për të cilin hetuesit dyshojnë se iu hap rruga përmes korrupsionit pasiv e aktiv nga Sali Berisha, Jamarbër Malltezi dhe Fatmir Bektashi.
