“Një reagim i ‘Tory’ kundër Princeshës Diana (lidhur me fushatën e saj për minat) e nxiti atë të merrte vendimin fatal për të vonuar kthimin në Britani.
Ish-shoferi dhe kujdestari i Diana, Colin Tebbutt ka dëshmuar se një grindje e bindi princeshën të qëndronte në Paris me të dashurin e saj Dodi Fayed më shumë se sa kishte planifikuar fillimisht.
Kjo shtyrje vuri në lëvizje një zinxhir ngjarjesh që rezultuan me vdekjen e saj bashkë me Dodin dhe shoferin e tyre Henri Paul, në aksidentin e tmerrshëm në tunel më 31 gusht të vitit 1997.
Tebbutt tha se ajo nuk do të ishte atë natë në kryeqytetin francez nëse nuk do të kishin ndodhur kritikat nga Tory.
36-vjeçarja pritej të mbërrinte në Londër në 28 Gusht 1997.
Por ajo mori një vendim të orës së fundit për të zgjatur udhëtimin e saj me tre ditë, pas polemikave “mbi minat”.
Ajo u akuzua se po përdorte një fushatë mbi rrezikun e minave “për të rritur imazhin e saj”.
“Kjo e mërziti atë. Kështu që ajo na kontaktoi dhe na tha se nuk i donte sherret që e prisnin në Mbretërinë e Bashkuar. Prandaj kishte vendosur të kthehej në fundjavë. Nëse ajo do të kthehej atë të enjte … mbase të gjithë do të ishin gjallë edhe sot”, tha Tebbut.
Grindja kishte filluar kur Diana vizitoi Angolën dhe bëri thirrje për një ndalim të menjëhershëm ndërkombëtar të minave tokësore.
Tory Peter Viggers e akuzoi atë për injorimin e ‘argumenteve të sofistikuara’ dhe se ishte ulur në nivelin e aktores franceze Brigitte Bardot në mbrojtje të maceve.
Grindja shpërtheu përsëri në fund të gushtit 1997 gjatë pushimeve të saj në Mesdhe me Dodin, 42 vjeç. Ajo dha një intervistë për një gazetë franceze, ku u pyet për politikën e MB-së për minat tokësore, heqja e së cilave ishte ‘aq e dashur për zemrën e saj’.
Tebbutt tha se kjo nxiti kritika të mëtejshme, gjë që e bëri atë të vonojë kthimin në Britani.
Detaje të plota të bisedës së fundit të telefonit celular të Diana-s para se të vdiste zbulohen gjithashtu nga Daily Mail. Ajo foli me mikun e saj të ngushtë, Richard Kay.
Kay tha: Ajo ishte pak e trazuar. Ishte në ankth të shkonte në shtëpi për të parë djemtë e saj, por tha që do ta shtynte kthimin, sepse nuk donte të përballej në Britani me këtë punën e minave.
e.r/dita
