Veç Argitës që nuk i mbaron lista e pasurive të dala gjatë hetimit të SPAK dhe Metës apo të tjerëve që janë peshkaqenët e korrupsionit shqiqtar, në protestën para Bashkisë së Tiranës u panë edhe të “fortit që të thyejnë në mes”.
Ndër kryesorët që shfaqen kundër policëve, është Sali Lusha, ish-gardisti i Sali Berishës kur ka qenë president.
Kurse Meta, ka marrë situatën në dorë duke bërtitur në qendrën e improvizuar të zërit dhe i ka puthur dorën “Nënë Lizës” që u bë e njohur, për protestën kundër ndërtimit të unazës së re.
“Peshkaqenët po protestojnë kundër cironkave” – thanë qytetarët që kalonin pranë protestueve.
Protestuesit kanë kërkuar dorëheqjen e kryebashkiakut Erjon Veliaj, pas arrestimit të disa drejtorëve dhe ish drejtorëve të bashkisë në dyshime për korrupsion.
Këshilltarët bashkiakë të opozitës erdhën me një kërkesë për “mbledhje urgjente të këshillit bashkiak”, por policia i pengoi ata që të hynin në bashki.
Këshilltari bashkiak i opozitës Ilir Alimehmeti tha se gjendja në bashki është e rëndë. “Duam të shqyrtohet pse kemi drejtor të përgjithshëm të bashkisë së Tiranës të arrestuar me burg, dhe të tjerë me arrest shtëpie” tha Alimehmeti.
Këshilltarët bashkiakë të opozitës përbëjnë pakicë të këshillit bashkiak të Tiranës, megjithatë ata besojnë se e kanë të drejtën që të kërkojnë mbledhje të till
Banorë nga zona e Astirit, iu bashkuan protestës si dhe Aleanca për Mbrojtjen e Teatrit.
“Thonë që kanë ndërtuar dhe e kanë bërë Shqipërinë lule. Por pse njerëzi janë kaq të palumtur?”, thotë aktorja Adriana Tolka.
Protestuesit shkarkuan mbi fasadën e ndërtesës një breshër vezësh edhe mollësh. Ndërsa megafonin e kapnin herë pas here qytetarë dhe politikanë të ndryshëm, mes tyre ish presidenti Ilir Meta, i njohur për korruosion.
“I bëjmë thirrje gjithë qytetarëve të Tiranës, gjithë qytetarëve shqiptarë që të bashkohemi kundër projektit shfarrosës të kombit tonë nga ky sekt kriminal”, tha Meta.
Protestës iu bashkuan edhe deputetë që po hetohen për vete nga SPAK-u, si dhe Gazmend Bardhi që propozoi amendamentin që zbut dënimet e të arrestuarve për korrupsion.
Prokuroria e Posaçme kundër Krimit dhe Korrupsionit arrestoi në fund të marsit disa drejtorë dhe ish drejtorë të bashkisë së kryeqytetit, e disa të tjerëve u dha masën detyrim paraqitje.
Në dhjetor Gjykata e Posaçme nxori 15 urdhëra arresti, si pjesë e hetimeve për inceneratorin e Tiranës, mes tyre në arrest me burg është drejtori i përgjithshëm i punëve publike në bashkinë e kryeqytetit.
b.m/dita
