Nga Fatos Tarifa
Botuar në DITA
1. Joe Biden rizgjidhet president i Shteteve te Bashkuara më 5 nëntor të këtij viti.
2. Në zgjedhjet e nëntorit këtë vit demokratët ruajnë shumicën në Senat dhe rimarrin shumicën në Dhomën e Përfaqësuesve të Kongresit amerikan.
3. Arrihet paqe mes Israelit dhe Palestinës, por ajo mbetet e paqendrueshme; provokimet dhe sulmet nga te dyja palët vijojnë.
4. Palestina njihet si shtet më vete (State of Palestine) nga qeveritë e disa vendeve që nuk e kanë njohur deri më sot, përfshirë edhe një ose dy prej 11 vendeve të G20 që nuk e njohin si të tillë.
5. Lufta në Ukrainë vijon, nëse në krye të Kremlinit mbetet Vladimir Putin; paqja mes këtij vendi dhe Rusisë nuk mundësohet.
6. Në zgjedhjet për Parlamentin Europian në qershor të këtij viti EPP merr më shumë vende në atë parlament.
7. Procesi i zgjerimit të BE-së mbetet formalisht i hapur, por ngadalësohet e vështrirësohet më tej.
8. Rënia ekonomike e Kinës vijon.
9. Kina i shmanget aventurës për marrjen forcërisht të Taivanit; kostoja e një aventure të tillë për të është shumë e lartë, rezultati i pasigurt.
10. Nuk ka një konflikt të armatosur mes dy ose më shumë fuqive të mëdha, por sërish ka konflikte brenda shteteve ose ndërmjet shteteve kufitarë.
11. Kritikat ndaj kryeministrit Edi Rama thellohen dhe popullariteti i tij në radhët e shqiptarëve bie më tej, por kjo nuk e rrezikon fitoren e Partisë Socialiste në zgjedhjet parlamentare vitin e ardhshëm. Shqiptarët qe votojnë majtas votojnë socialistët, jo Ramën.
12. SPAK vijon me sukses veprimtarinë e tij për zbulimin dhe ndëshkimin e korrupsionit në nivelet më të larta të politikës dhe krimit të organizuar.
13. Kriza në partitë opozitare shqiptare vijon e thellohet si krizë besimi dhe lidershipi kryesisht në radhët e partisë opozitare më të madhe.
14. Kosova mban zgjedhje të parakohëshme; një koalicion i partive të sotme opozitare formon një qeveri të re.
©Copyright Gazeta DITA
Ky artikull është ekskluziv i Gazetës DITA, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar DITA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016