Pas vendimit të GJKKO, pyetja më e shpeshtë është si do procedohet me mandatin e Fredi Belerit për Bashkinë Himarë.
Sipas disa juristëve, nëse Beleri, nuk betohet për të marrë mandatin nuk është më kryetar bashkie. Dhe nëse nuk paraqitet në detyrë brenda periudhës prej tre muajsh, ai shkarkohet menjëherë.
Një prej tyre në një emision TV thotë:
“Nëse ai nuk betohet për të marrë mandatin nuk është më kryetar bashkie, nëse nuk paraqitet tre muaj në detyrë menjëherë shkarkohet. Ne kemi një jurisprudencë të kryetarit të bashkisë Dibër, Shukriut në të cilën Gjykata Kushtetuese ka vendosur që edhe pse personi nuk është dënuar ende me vendim gjyqësor të formës së prerë, i lihet kompetencë me kushtetutë qeverisë, që për çdo çështje që ata gjykojnë se është shkelje flagrante e kushtetutës, mund ta shkarkojë. Pra shkarkimin e ka në dorë Këshilli i Ministrave…”
