Gazetari Lorenc Vangjeli thotë se Berisha ka plane për të bllokuar një pjesë të akseve kryesore në vend me kamionë dhe traktorë, në rast se Gjykata e Apelit nuk i jep vulën e partisë.
“Mos u habisni kur të shikojmë në lajme kamionë ose traktorë që do jenë një postbllok i dytë në Rrugës së Kombit, apo në rrugën që të çon drejt Rinasit, në autostradën e Tiranë Durrës dhe hapa të tillë radikalë. Në rast se vendimi i gjykatës nuk do i interesojë Berishës, do ketë një tensionim të tejskajshëm të situatës”, tha Vangjeli.
Vangjeli shton se Berisha ndihet nervoz për shkak se mbështetësit janë çdo herë më të pakët në numër.
“E ka paralajmëruar, kërcënon edhe Surrelin. Sot tha “për 3 minuta në hyjmë në sallë”. Ka shumë gjëra në jetën njerëzore, ku mezi pret të hysh brenda, por në fund del”, përfundoi gazetari.
