Gazetari Adriatik Doçi thotë se ka siguruar disa dokumente që tregojnë pasurinë marramendëse të çiftit Ilir Meta dhe Monika Kryemadhi, të kamufluar sipas tij, në emër të disa familjarëve të tyre.
Ai thotë se janë plot 17 pasuri, ku përfshihen vila, pallate dhe toka nga zona e Saukut, përballë TEG-ut, në rrugën e Elbasanit, Mëzez e deri në Gjirin e Lalzit.
“Monika Kryemadhi është aksionere në disa pasuri, të cilat nuk i ka deklaruar në ILDKPKI, siç ka deklaruar vilën në Gjirin e Lalzit, pallatin në Laprakë, apartamentin 500 m2 te Kodra e Diellit”, shprehet ai.
“Ilir Meta dhe Monika Kryemadhi kanë kamufluar një pasuri me vlerë miliona euro nga Sauku, zona përballë TEG, Rruga e Elbasanit, Mëzez deri në Gjirin e Lalzit, në emrin e Fatime Kryemadhit (nëna e Monikës), Drini Kryemadhi (vëllai i Monës), Rexhep Metaj (babai i Metës).
Edhe pse si të ardhura të ligjshme kanë dy pensione dhe një pagë si inxhinier, tre të afërmit e çifti Meta-Kryemadhi kanë në pronësi të paktën 17 pasuri, ku përfshihen vila, pallate dhe toka.
Besoj se SPAK i ka indentifikuar këto pasuri. Nëse e ka pasur të vështirë t’i gjejë, ua jap unë letrat.
Monika Kryemadhi është aksionere në disa pasuri, të cilat nuk i ka deklaruar në ILDKPKI, siç ka deklaruar vilën në Gjirin e Lalzit, pallatin në Laprakë, apartamentin 500 m2 te Kodra e Diellit etj”, deklaron gazetari bashkangjitur me dokumentet.
b.m/dita
