Gazetari Spartak Koka ka treguar n të tjera detaje rreth intervistës së 40-vjeçarit Dan Hutra, autori i vrasjes së 3 grave dhe plagosjes së 3 të tjerave më 1 Mars,
Koka zbuloi se Dan Hutra flet për një varr të hapur, për të cilën pretendon se e ka hapur rreth 2-3 ditë përpara se të ndodhte masakra.
“Ai flet për një varr të hapur. Ai ka hapur një varr, nuk e ka gjetur akoma policia, ai pretendon se e ka hapur 2-3 ditë para se sa të shkonte tek ngjarja, masakra me 3 të vrarë dhe 3 të plagosur, flet në mënyrë të detajuar se si e ka planifikuar, flet me detaje për ditën e ngjarjes dhe flet për kërcënimet dhe raportin që ka patur me Vladimir Kurtin.
Unë i bëj një pyetje interesante dhe i them, a meriton ti të dënohesh me burgim të përjetshëm? Dhe pyetja tjetër, i thashë, nëse do ishte në fuqi Kodi Penal i dënimit me vdekje.
Intervistën ne vendosëm ta transmetojmë për të mos qenë indiferentë ndaj këtyre personave, se në 2007 Dan Hutrën thamë u arrestua do jetë me burgim të përjetshëm kur vrau bashkëshorten dhe thamë le ta lëmë aty në burg se s’do dalë më, Dan Hutra doli dhe u rikthye më i ashpër, më agresiv dhe më represiv ndaj shoqërisë duke shkaktuar më shumë viktima”, tha gazetari Koka.
m.b./dita
