Sekretari i Përgjithshëm i PS Damian Gjiknuri, nga qyteti i Belshit ku ka prezantuar kandidatin e PS për kryetar bashkie në Belsh, Arif Tafani, është shprehur se Berisha dëshiron ti trashëgojë partinë aleatit të tij Ilir Met.
“Unë them se edhe kjo është një e mirë që duhet ta shohin një pjesë e mirë e madhe e shqiptarëve dhe ka vetëm një alternativë Partinë Socialiste dhe Edi Ramën.
Nuk kemi alternativë përballë për të hedhur votën dëm për të bërë atë aksidentin politik të ndalimit të zhvillimit jo vetëm të Belshit, por të gjithë Shqipërisë”, tha Gjiknuri.
Numri dy i socialistëve nënvizoi rëndësinë e votës jo vetëm për kandidatin, por dhe për anëtarët socialist në Këshillin Bashkiak për të mos penguar projektet dhe investimet.
“Këtu konkurohet me projekte, me vizion, me organizatë, çfarë përfaqëson! Prandaj them që nuk ka asnjë arsye që të hidhet vota dëm. Vota duhet të shkojë për këshillin e Partisë Socialiste për të mos u mbajtur peng nga interesa të vogla. Interesat tuaja janë më të mëdha se interesat e individëve të vegjël. Përse? Sepse ju keni interesin e zhvillimit të Belshit.
Ato projekte që u thanë këtu, që ka mbetur një pjesë në mes, ne do ti çojmë përpara dhe me mbështetjen e këshillit socialist”, theksoi Gjiknuri.
m.b./dita
