Pas vendimit të Gjykatës së Lartë për kthimin edhe një herë në Apel për rishqyrtim të çështjes së vulës dhe logos së PD, ka reaguar avokati i Berishës, Genc Gjokutaj.
Në një reagim të bërë në rrjetet sociale, Gjokutaj shprehet se vendimi i sotëm është në shkelje flagrante të ligjit.
Ligjërisht, sipas tij, Gjylata e Lartë duhej të kishte prishur vendimin e Gjykatës së Apelit për moslegjitimim të ankuesit dhe lënien në fuqi të vendimit të Gjykatës së Shkallës së Parë Tiranë!
“Vendimi i Gjykatës së Larte në lidhje me Statutin e Rithemelimit të Partisë Demokratike sot është njz137 shkelje flagrante e ligjit dhe që ndjek qëllime të pastra politike kundër vullnetit të anetaresisë së saj!
Prishja e vendimit te Gjykatës së Apelit dhe kthimi i çështjes po në Apel legjitimon skandalin me të madh procedurial, njohjen e si subjekt ankimues te Basha & Alibeaj ndërkohë që ata nuk kanë qenë palë në gjykimin në shkalle të parë!
Ligjerisht GjL duhej të kishte prishur vendimin e Gjykatës se Apelit për moslegjitimim të ankuesit dhe lenien në fuqi të vendimit të Gjykatës së Shkallës së Parë Tiranë!
Drejtësia shqiptare ka rënë! Ajo sot është kthyer në Agjensi Shërbimi pranë Qeverisë dhe mercenarëve të saj!”, shprehet ai.
p.k\dita
