Një 19-vjeçar është arrestuar nga Policia e Fierit, pasi u kap për të dytën herë me lëndë narkotike, edhe pse i ishte caktuar masa e sigurisë “arrest në shtëpi”. I riu i identifikuar si O.L., është kapur nga oficerët e policisë jashtë banesës së tij dhe gjatë kontrollit të bërë iu gjetën doza kanabisi, të cilat u sekuestruan në cilësinë e provës materiale. Ai ishte nën arrest shtëpiak, pasi ndaj tij rëndonin akuzat për veprat penale “prodhimi dhe mbajtja pa leje e armëve dhe municionit luftarak” dhe “prodhimi dhe shitja e narkotikëve”. Ndërsa është vënë nën hetim 27-vjeçari E.A., të cilit gjatë kontrollit të bërë nga policia iu gjetën gjithashtu doza me lëndë narkotike.
Gjykata i kishte dhënë arrest shtëpiak, adoleshenti kapet përsëri me hashash dhe kthehet në qeli
