Dy javë pasi u arrestua nga SPAK, me akuzën se kishte shpërdoruar detyrën duke i dhënë 1.2 milionë euro shtetasit Ilir Thana, gjykata e Tiranës ka caktuar masën e sigurisë “arrest shtëpie” për ish-Sekretarin e Përgjithshëm të Ministrisë së Financave, Arlind Gjokutaj.
Në seancën e sotme, Gjokutaj shkoi në sallë, ndryshe nga hera e shkuar, ku u deklarua se ishte sëmurë. Bashkë me të, në arrest shtëpie dolën edhe dy të arrestuarit e tjerë, Alban Ruli dhe Fatmir Hoxha.
Gjokutaj, drejtori i shërbimeve mbështetëse dhe një përmbaruesi ranë në pranga, nën akuzën nga Prokuroria e Tiranës se nëpërmjet shpërdorimit të detyrës i kanë shkaktuar shtetit 1.2 milion euro dëm.
Përfituesi i parave, Ilir Thana u arrestua disa javë më parë për 2 vepra penale dhe më pas Prokuroria e Tiranës iu drejtua gjykatës, e cila urdhëroi arrestimin e 2 zyrtarëve të Ministrisë së Financave pa i pyetur për faktin dhe pa bërë një ballafaqim mes palëve.
j.l./ dita
