Shefja e misionit të vëzhguesve të OSBE/ODIHR, Audrey Glover po zhvillon konferencën e parë për mediat, pas mbërritjes në Shqipëri në kuadër të misionit vëzhgues për zgjedhjet e 14 majit.
“Do doja të theksoj fjalën ‘vëzhgoj’. Kemi parasysh vëgzhimin para zgjedhjeve, gjatë zgjedhjeve dhe pas zgjedhjeve. Secila përiudhë është e rëndësishme. Janë zgjedhjet e 16-ta që vëzhgojmë në Shqipëri. Kemi patur bashkëpunim shumë të mirë dhe uroj të kemi edhe për këto zgjedhje.
Do të kemi një ekip bazë në Tiranë, prej 13 ekspertësh nga shtetet e OSBE, përfshijnë ekspertë ligjor, për zgjedhjet dhe politik si edhe dy nga media, një për pakicat kombëtar dhe një coordinator për vëzhuesit afat gjatë. Do ketë po ashtu ekspertë për burimet njerëzore dhe zëvendësi im. Do të kemi edhe 24 vëzhgues afatgjatë të zgjedhjeve. Para zgjedhjeve do të na bashkohen edhe monitoruesit afatshkutër, që do të shpërndahen në vend për të vëzhguar qendrat e votimit.
Për ditën e zgjedhjeve do të jetë edhe një delegacion nga BE dhe KiE. Kemi ardhur këtu pa një axhendë fikse të vendosur më parë, jemi këtu për të vëzhguar zgjedhjet duke parë performancën e tyre dhe të gjithë pjesëmarrësit”, u shpreh Glover.
Audrey Glover bëri me dije edhe pikat të cilat ata do t’i kushtojnë rëndësi gjatë zgjedhjeve të 14 majit.
Ndër ato pika ishin edhe raportimi i mediave apo edhe financimi i fushatës.
“Të gjithë vendet anëtare të OSBE janë zotuar për të zhvilluar zgjedhje përputhje me rregullat. Rëndësi të veçantë mjedisit të fushatës, për të parë nëse do të ketë një fushatë efikase. Do të shohim pjesëmarrjen e grave, personave me aftësi të kufizuar dhe përfaqësuesve të pakicave kombëtar në procesin zgjedhor. Do të shohim edhe regjistrimin e zgjedhësve dhe kandidatëve, do të shohim raportimin e mediave dhe nëse do të pengohet kjo e fundit në raportimin e zgjedhjeve. Do të shohim më shumë kujdes dhe financimin e fushatës dhe zgjidhjen e konflikteve në lidhje me zgjedhjet”, tha Glover.
Glover tha se ata nuk janë as policë, as mbikëqyrës dhe as politikanë, por roli i tyre është që të vëzhgojnë dhe raportojnë.
Ajo po ashtu theksoi se misioni i tyre është të nxjerrin një raport një ditë para zgjedhje dhe të mbajnë një konferencë shtypi një ditë pas zgjedhjeve.
Sa i përket raportit përfundimtar, Glover tha se ai do të dalë 8 javë pas përfundimit tëp procesit zgjedhor.
“Siç e kemi thënë edhe shumë herë më parë, zbatimi i ligjit është po aq i rëndësishëm sa vet ligji dhe zbatimi i tij varet nga vullneti për ta zbatuar. Misioni i ynë që të nxjerrim një raport para zgjedhjeve dhe dalin në një konferencë një ditë pas zgjedhjeve. Ditën e konferencës për shtyp, do të kemi edhe një deklaratë me gjetjet paraprake. Raporti përfundimtar do të dalë rreth 8 javë pas përfundimit të procesit zgjedhor dhe do të përfshijë edhe rekomandime që mund të duhen për zgjedhjet pasardhëse. Në këto rekomandime do të parashikohen disa mënyra se si ODIRH parashikon të ndihmojë autoritet shqiptare për zgjedhjet tjera.
Ajo që është e rëndësishme të kuptohet është që roli ynë është të vëzhgojmë dhe të raportojmë. Në nuk ndërhyjmë në zgjedhje, nuk jemi polica as mbikëqyrës, as politikan. Ne gjithashtu jemi të interesuar të shohim nëse procesi është në përputhje me parimet e OSBE.
Ajo çka na intereson po ashtu është që rezultati i këtyre zgjedhësve të dalë në mënyrë korrekte. Ajo çka është e rëndësishme për të gjithë këtë proces është që zgjedhësit të kenë besim te ky proces. Zgjedhësit duhet të kenë mundësinë të votojnë të lirë, të fshehtë, të sigurtë dhe vota e tyre të numërohet dhe llogaritet korrekt. Siç e thashë, roli ynë është të bëjmë vlerësimin teknik të procesit”, tha Glover.
j.l./ dita
