Gjykata e Tiranës liroi nga paraburgimi 22-vjecarin Franko S., i akuzuar për dhunë ndaj punonjësit të policisë, teksa u kap duke pirë hashash bashkë me të vëllanë, në zonën e “Unazës së re”, disa ditë më parë. Prokuroria e Tiranës kërkoi arrest me burg për të riun që sulmoi efektivin e policisë më 25 mars, por Gjykata e Tiranës ka vendosur detyrim paraqitje, edhe pse pamjet filmike e tregonin qartë se agresori godiste pandërprerë me grushte efektivin, derisa e la pothuajse pa ndjenja dhe u arratis. 22-vjeçari pasi ka goditur efektivin ka mundur të largohet, por është kapur nga forca të tjera të policisë, bashkë më vëllain e tij. Gjithashtu, për këtë rast, ka nisur procedimi në gjendje të lirë, për vëllanë e 22-vjeçarit, shtetasin Xh. S., 26 vjeç, banues në Tiranë. Sipas policisë rreth orës 23:00 të datës 25 mars në rrugën “Aleksandri i Madh”, në Unazë të Re, shërbimet e Patrullës së Përgjithshme kanë konstatuar shtetasit F. S. dhe Xh. S. (vëllezër), të cilët dyshohet se kanë qenë duke konsumuar lëndë narkotike kanabis.
Goditi me grushte efektivin që e kapi duke pirë drogë dhe u arratis, Gjykata liron nga paraburgimi 22-vjeçarin
