Mijëra pacientë paraqiten çdo ditë në dyert e poliklinikave si pasojë e prekjes nga gripi stinor.
Ekspertët e Institutit të Shëndetit Publik, pohojnë se tashmë infektimet e kanë arritur pikun, por ende nuk jemi në situate epidemie.
Ashtu siç ishte parashikuar gripi stinor po bashkëqarkullon me COVID-19, por duke e mbizotëruar atë.
Rastet e prekura nga gripi janë të shpërndara në të gjithë vendin.
Situata aktuale është e qëndrueshme, por ekspertët thonë se nëse të infektuarit do të kapin shifrën e 24 mijë të sëmurëve në javë, atëherë Shqipëria futet në epidemi.
Injektimi i vaksinës së gripit dhe asaj kundër COVID-19, konsiderohet si arma më e mirë për të parandaluar rastet e rënda dhe fatalitetet.
o.j/dita
