Grupimi i Gazment Bardhit ka kërkuar në gjykatë çregjistrimin e Lulzim Bashës si kryetar i Partisë Demokratike. Kjo lëvizje vjen një ditë para se PD-ja të mbajë nesër zgjedhjet për kreun e ri.
“Dorëzuam në gjykatë çregjistrimin e Bashës si kryetar dhe anulimin e zgjedhjeve. Të respektohen vendimet e Këshillit Kombëtar”, u shpreh për mediat Bledjon Nallbati.
Kujtojmë që ditën e djeshme u zhvillua mbledhja online e Këshillit Kombëtar të PD-së. Në takimin që zgjati 1 orë ishin të pranishëm 245 anëtarë dhe u vendos të anuloheshin zgjedhjet e datës 29 Korrik 2023 duke e konsideruar procesin antistatutor dhe farsë.
Gjithashtu u pranua dorëheqja e Lulzim Bashës e datës 21 Mars 2022 dhe po ashtu e Enkelejd Alibeajt më 17 Maj 2023.
o.j/dita
