Një tjetër treg publik i shtohet kryeqytetit. Ditën e sotme është hapur edhe tregu i ri publik i Farkës, me hapësira dhe kushte dinjitoze për fermerët dhe konsumatorët, të cilët do të mund të shesin e të blejnë produktet e tyre, duke shkurtuar kosto kohore e sidomos financiare.
Ministrja e Bujqësisë, Frida Krifca ka deklaruar se AgroPark Tirana është një vepër dhe hap i sigurt drejt zhvillimit rural dhe sigurisë ushqimore.
“Vepër që i shtohet gjerdanit të veprave të mira. Vepër dhe hap i sigurt që hedhim drejt zhvillimit rural dhe sigurisë ushqimore, për të rritur konkurrencën e ndershme mes operatorëve, fuqinë negociuese të fermerëve tanë, për të ulur çmimet për konsumatorët tanë”, tha ministrja Krifca, teksa shtoi se kjo vepër ka standarde të larta të sigurisë ushqimore vendase, të përputhura me standardet e BE-së.
“Opozita erdhi e pa këtë vepër dhe u habit. Ne kemi një platformë unikale që ka një sipërfaqe mbi 6 mijë metra katrorë tregtimi dhe magazinimi për 66 operatorë të produkteve të fruta-perimeve, një treg ditor për 33 mijë fermerë dhe një sipërfaqe totale prej 25 mijë katrorësh të vënë në dispozicion të fermerëve, shefave të kuzhinës”, theksoi në fjalën e saj ministrja Krifca.
p.k\dita
