Kryetari i Bashkisë së Tiranës Erion Veliaj ka nxjerrë zbuluar moderatoren Erla Mëhilli dhe një gazetar në aritmetikë.
Mëhilli dhe gazetari tentuan që të vendosin në vështirësi Veliaj në lidhje me numrin e lejeve të dhëna në kryeqytet, por kanë konfirmuar në fakt argumentet që ka dhënë më herët kryebashkiaku, duke i dhënë të drejtë këtij të fundit.
Kjo bëri që Veliaj të thumbojë dy gazetarët duke ju kujtuar ish-kreun e PD-së Lulzim Basha. Kjo shkaktoi të qeshura në emision.
Batutat:
Veliaj: Në të gjitha debatet e qyteteve, lajmi i keq është kur bie vlera e pronës. Të të jap një shembull, në qoftë se apartamenti yt vlente, se sot mesatarja e rritjes së vlerës së apartamentit është nga 200-300%, 2-3 fish, vlente 50 mijë euro në 2015-ën dhe sot vlen apartamenti yt, vlen 100 mijë euro, kjo është gjë e keqe për ty, apo është gjë e mirë?
Gazetari: Kjo është gjë shumë e mirë.
Veliaj: Pra, sapo më the, apartamenti yt që vlente 50 dhe sot vlen 100, është lajm i mirë. Të të bëj edhe një pyetje në të kundërt, në qoftë se apartamenti yt në 2015-ën dp vlente 50 mijë euro, ose siç vlente dhe sot do vlente 25, ky është pastaj lajm i keq apo jo?
Do ishte shumë i përballueshëm për të tjerët, por ti vet do mallkoje kryetarin e bashkisë, se do thoshe më vlente 50, sot më vlen 25. E vërteta është që të vlente 50, sot të vlen 100.
Gazetari: 7.8 milionë metra2 ndërtim, u marrka nga 7% e popullsisë.
Veliaj: Dëgjo, a do bëjmë aritmetikë? Se unë hyj tek ata që e di tabelën e shumëzimit. Atëherë, 8 mijë apartamente, meqë e përmende…
Gazetari: Nuk janë 8 mijë apartamente, janë 7.8 milionë metra2.
Veliaj: Dakord pra. Po të them unë tani një llogari, 8 mijë apartamente, mesatarja e një apartamenti 100 m2, ma bëj llogarinë sa del…
Mëhilli: Atëherë, 7.4 milionë, se e kam bërë unë një llogari…
Gazetari: 7.8 më del mua.
Veliaj: Ma bëj llogarinë. ..
Mëhilli: Është fusha e Lulit kjo e llogaritjeve, mos t’i futemi kësaj. Ta bëj unë se e kam bërë unë zoti Rakipllari, nëse e do. 7.4 milionë leje ndërtimi janë dhënë përgjatë këtyre viteve.
Veliaj: Nuk janë dhënë 7.4 milionë leje ndërtimi se na habitët.
Gazetari: 7.4 milionë metra2.
Mëhilli: Nëse marrim 70% të tyre ndërtim për banesat, i bie 5 milionë e 248 m2 ndërtim, e cila nëse pjesëtohet me 100 metra banesa mesatare, i bie 52 mijë banesa.
Dhe ju keni deklaruar në vitin 2015 se ishin 8 mijë apartamente stok në Tiranë. Pra totali që i keni dhënë tregut janë 60 mijë apartamente.
Veliaj: Je në vete, çfarë po thua, po e dëgjon veten? Pra, po thua në një vit ishin 8 mijë dhe po më thua që në 7 vite janë 56 mijë. Patjetër, sepse 7 herë 8 është 56. Pra po më krahason 1 vit me 7 vite. 7 herë 8 bëjnë 56, del fiks llogaria. Pra sapo the mbrojtjen më perfekte që unë s’arrita ta thoja dot kaq mirë sa ty.
m.b./dita
