Kryeministri Edi Rama mbajti sot një fjalim në takimin Inaugurues të Komitetit të Përbashkët Konsultativ me Komitetin Ekonomik dhe Social të BE, që shënon një hap të rëndësishëm në rrugën e integrimit europian të Shqipërisë.
Gjatë fjalës së tij, Rama tha se Shqipërisë i është dhënë një mundësi më e mirë për t’u integruar në BE.
Rama tha se tashmë Shqipëria po jeton në një moment ku Brukseli dhe BE janë me vullnetin e plotë dhe gatishmërinë për të bërë vendin tonë pjesë të BE-së.
“Është hera e parë që yjet tona janë në një linjë me yjet e BE-së edhe për të ardhmen edhe për të tashmen”, theksoi Rama.
Kryeministri the ndër të tjera se “këtë vit kemi një shans të mirë të hapim të gjithë kapitujt.”
“Ka qenë një rrugë e gjatë siç u përmend me elegancë nga presidenti, me shumë situata ku e gjetëm veten të mbërthyer por me duhet të them që tashmë po lëmë apo po jetojmë në një moment ku Brukseli dhe BE janë me vullnetin e plotë dhe gatishmërinë për të na marrë brenda.
Është hera e parë që yjet tona janë në një linjë me yjet e BE-së edhe për të ardhmen edhe për të tashmen.
Dera është hapur duhet të përfitojmë nga ky shans dhe të bëjmë maksimumin, sepse ne e dimë si funksionon kështjella hap dyert dhe mbyll dyert.
Ka shumë njerëz që sot përpiqen të thonë se nuk do të ndodhë, ne duhet të mobilizohemi dhe të bëjmë më të mirën për këtë.
Ata thonë është iluzion, propagandë sepse nuk ka ndodhur në 12 vjet, por këta njerëz nuk janë të informuar se Mali i Zi i ka çelur në 2012…
Sot ne e gjejmë veten tonë në pararojë pasi çelëm negociatat vitin e kaluar dhe këtë vit kemi një shans të mirë të hapim të gjithë kapitujt”, tha Rama.
j.l./ dita
