Një biznesmen nga Fushë-Kruja për t’i shpëtuar falimentit tre muaj më parë nga largimi i fuqisë punëtore, iu drejtua agjensive të punësimit, të cilat i sollën 50 punëtorë nga Pakistani.
Por për punëtorët pakistanezë të Muharremit, Shqipëria ishte vetëm vendi që u shërbeu atyre si tranpolinë për të kaluar në shtetet e Europës, pasi që prej të shtunës mbrëma Muharremit i janë arratisur 25 punëtorë, pa lajmëruar akskënd.
“Ishte ditë e shtunë dhe e djelë, në fundjavë ne e lëmë punën në orën 15-00 dhe marr vesh mbrëmë në orën 1 të natës që i kanë thënë çunit që punëtorët nuk janë kthyer nga Fushë Kruja.
Më pas në orën 09:00 e marim vesh se ku ndodhen, ata ishin në Libohovë. Në orën 11:00 u nisa nga Kruja mora edhe një fugon dhe erdha në Gjirokastër. Takova të gjithë punonjësit e policisë, gjithashtu komunikova me punonjësit e kufirit dhe u kam thënë që janë Libohovë, ju mund t’i ktheni kur të dalin.
Por më pas marr vesh që nga Libohova ata kishin kaluar në territorin grek” – thotë Muharrem Hoçja, administrator fasoner.
Largimi i punëtorëve për biznesin e Muharremit përkthehet në kosto financiare. Për këtë arsye ai kërkon që punëtorët t’i kthehen përsëri në vendin e punës, duke respektuar kontratën e punës.
Vetëm pas përfundimit të kësaj kontrate Muharremi thotë se ata gëzojnë të drejtën të largohen në cilin vend të duan.
“Tani unë i bëj një thirrje ministrisë së jashtme dhe asaj të brendshme me gjithë të dhënat që i kam dhënë t’ kapin dhe t’i dërgojnë në punë përsëri.”- thotë Hoçja, administrator fasoner.
“Europa është më mirë se ne. Ne i paguajmë aq sa kemi mundësi”- shton ai.
Edhe pse në Shqipëri, pakistanezëve ju sigurojet me ligj strehimi dhe punësimi, përsëri ata vendosin të arratisen. Pas kësaj ngjarje Muharremi do të jetë sërisht në kërkim të fuqisë punëtore.
i.b. / dita
