Të shtëna me armë janë shënuar mbrëmjen e së shtunës gjatë një feste ditëlindje të mbushur me njerëz në një qytet të vogël rural në Alabama, ku të paktën 4 adoleshentë kanë mbetur të vrarë ndërsa 20 të tjerë të plagosur. Hetuesit besojnë se ky krim ka ardhur si pasojë e ndonjë sherri, ndërsa po hetojnë rastin. Të shtënat në Alabama ndodhën në të njëjtën ditë kur në një park në Louisville, Kentaki u qëllua në një turmë ku mbetën të vrarë dy persona dhe katër të tjerë u plagosën.
Pak ditë më parë pesë persona u vranë pasi një burrë hapi zjarr në bankën e Louisville ku ai punonte ndërsa tetë të tjerë u plagosën. Sipas Arkivit të Dhunës me Armë, në SHBA ka patur 162 të shtëna masive në 15 javët e para të vitit 2023. Kjo është një mesatare prej më shumë se 1.5 të shtëna masive çdo ditë deri më tani këtë vit.
