Princesha e Norvegjisë, Mette-Marit, ka deklaruar se është “manipuluar dhe mashtruar” nga Jeffrey Epstein, duke folur publikisht për herë të parë për marrëdhënien e saj me ish-financierin amerikan, i njohur për abuzime seksuale.
Dosjet e Epstein, të publikuara në janar nga Departamenti Amerikan i Drejtësisë, tronditën Norvegjinë, duke përfshirë figura të larta të shoqërisë, përfshirë Mette-Marit, e cila shprehet se nuk kishte dijeni që Epstein ishte një abuzues seksual, shkruan Guardian.
Parlamenti norvegjez votoi së fundmi për krijimin e një komisioni hetimor të pavarur për lidhjet midis Ministrisë së Jashtme të Norvegjisë dhe Epstein.
Në një intervistë 20-minutëshe për kanalin NRK, Princesha foli hapur për ato që i quan gabimet e saj: “Është jashtëzakonisht e rëndësishme të marr përgjegjësi për mosvlerësimin më të kujdesshëm të sfondit të tij dhe për të pranuar se u manipulova dhe mashtrua.”
Ajo shprehu mllef për viktimat e Epstein, duke thënë se ndjehet përgjegjëse për çdo gjë që mund t’i ketë dhënë legjitimitet mikut të saj të njohur.
j.l./ dita
