Gjatë ditës së sotme i Ngarkuari me Punë i SHBA-ve në Tiranë, David Wisner, është takuar me kryeministrin Edi Rama.
Lajmin e ka bërë të ditur vetë Ambasada Amerikane, përmes një reagimi në Facebook, ku thuhet se ndër të tjera u fol për rëndësinë e bashkëpunimit mes dy vendeve.
Gjithashtu në njoftimin e Ambasadës thuhet se ndër të tjera, u fol edhe për rëndësinë e mbështetjes së rinisë shqiptare.
Postimi i Ambasadës:
I Ngarkuari me Punë David Wisner u takua sot me Kryeministrin Edi Rama për të pohuar sërish lidhjen e fortë mes Shteteve të Bashkuara dhe Shqipërisë. Ata diskutuan partneritetin e ngushtë të vendeve tona në Këshillin e Sigurimit të Kombeve të Bashkuara, veçanërisht për Ukrainën, si dhe rëndësinë e mbështetjes së rinisë shqiptare. Wisner falënderoi gjithashtu kryeministrin për mikpritjen e jashtëzakonshme që Shqipëria ka treguar ndaj afganëve.
