Ngjarja e rëndë në Nju Jork me protagonist aktorin Florind Belliu, duket më e qartë pas një statusi në rrjete sociale nga motra e bashkëshortes së tij, Ornela.
Motra e Ornelës, Migena shkruan se Belliu vuante prej kohësh nga çrregullime mendore dhe se mjekët e kishin sugjeruar se kishte ende nevojë për kurim, por Ornela e kishte nxjerrë nga klinika dhe e kishte çuar në shtëpi për hir të fëmijëve.
Postimi i motrës së Ornelës:
E kam shume të vështirë të flas në keto momente, pasi unë, motra e Ornelës dhe e gjithë familja jonë jemi tejet të pikëlluar nga humbja e parakohshme e motrës sonë të dashur, por nuk mund të rri pa i shkruar dy fjalë për motrën time, për engjëllin tonë, që e donte aq shume jetën, që rrezatonte mirësi dhe e donte i gjithë komuniteti në zonën ku jetonte në Nju Jork.
Vë re me keqardhje që të gjithë portalet janë mbushur me fjalë te ndjera për humbjen e jetës së Florind Belliut, personit që vrau jo vetëm motrën tonë, por edhe fëmijën që do të lindte pas disa muajsh dhe asnjë fjalë keqardhjeje nuk kanë denjuar të shkruajnë për motrën tonë, e cila punonte dhe rriste pothuajse e vetme dy fëmijë të mitur, pasi ai që i mori jetën në mënyrën më makabre kishte kohë, vite që vuante nga çrregullime mendore, kishte kohë që la kishte bërë jetën të vështirë motrës tonë…
Por Ornela ishte aq e mirë dhe e dhimbsur saqë shkonte e vizitonte çdo ditë në klinikën psikiatrike ku ishte i izoluar atë që do t’i merrte jetën në mënyrën më kriminale..i dergonte ushqim siç dëshironte Flori, saqë punonjësit e klinikës e kishin pagëzuar Ornelën “engjëll”, pasi ishte e vetmja që shkonte çdo ditë ne klinike….
Mjekët e klinikës në Nju Jork e kishin paralajmëruar Ornelën që bashkeshorti i saj kishte ende nevojë për kurim, pasi nuk kishte përmirësim, por Ornela edhe për hatër të dy djemve të vegjël që kerkonin babin, kish firmosur për ta sjellë Florindin në shtëpi, pa pandehur se ai do tia merrte jetën asaj dhe foshnjës që mbante në bark, pa u shqetësuar për të ardhmen e dy fëmijëve te mitur.
Falenderoj me zemër të gjithë ata që kanë shkruar fjalë të mira, të ndjera për engjëllin tonë – Ornelën!
j.l./ dita
