Veterani i diplomacisë Shaban Murati merr në analizë termin “grusht shteti” i qeverisë kundër opozitës dhe e quan atë një idiotizëm të ri politik.
“Një shpikje e re terminologjike dhe politike është hedhur në qarkullim nga opozita e plakur. Po flitet për ”grusht shteti” të qeverisë kundër opozitës. Është idiotizmi më i ri shqiptar në fushën politike” – shkruan Murati dhe vijon:
“…Është një idiotizëm i ri shqiptar, që dëshmon se politika dhe politikanët tanë janë ndryshe nga e gjithë bota dhe shpikin vetëm gjëra sui generis.
Shpikja e re politike u bë, së pari nga që grupi i besuar politik, që u caktua nga Partia e Punës për të ngritur sistemin e ri demokratik, është analfabet politik dhe nuk ka asnjë shkollë politike dhe asnjë formim kulturor politik. Literatura e vetme politike, që ka lexuar ai grup deri në vitin 1990 kanë qenë veprat e Enver Hoxhës.
Pas 1990, kur ajo u vendos në kolltukët e pushtetit, nuk pati kohë as të bënte ndonjë shkollë politike në Perëndim dhe as të lexonte libra politike, sepse u mor me intrigat e pushtetit dhe të pasurimit vetiak.
Arsyeja e dytë e kësaj shpikje politike shqiptare është se opozita shqiptare e ka shkatërruar veten në atë farë feje, saqë jo vetëm nuk vjen dot në pushtet, megjithëse ka përballë një qeverie skandalesh dhe korrupsioni, por as në mendje nuk i shkon që të vijë me vota dhe me program në pushtet…” shkruan profesori i njohur.
Shkrimi i plotë mund të lexohet duke klikuar KËTU
