Gazetari dhe publicisti Ilir Demalia ka ndarë emocionet e tij nga Liverpooli në një status të publikuar këtë mëngjes, teksa ndodhet në qytetin legjendar të futbollit dhe muzikës.
“Mirëmëngjes nga Liverpooli! Liverpool LFC dhe Beatles janë bota,” shkruan ai, duke i lidhur dy simbolet më të njohura të qytetit.
Sipas tij, sot, në ndeshjen e fundit të sezonit 2024-2025 kundër Crystal Palace, Liverpooli do të ngrejë trofeun e Premier League në stadiumin Anfield, duke kurorëzuar një sezon të jashtëzakonshëm.
“Nesër do të jemi në Paradën Triumfale të Liverpoolit, për herë të 20-të kampion në ligë. 1 milion njerëz do të mblidhen për paradën, dhe 100 mijë prej tyre vijnë nga e gjithë bota,” thekson Demaliaj.
Ai e mbyll statusin me thirrjen ikonike të tifozëve të Liverpoolit: “Le të shkojmë përpara – Kurrë nuk do të ecësh vetëm!”
