Nënkryetari i PD-së Oerd Bylykbashi i pyetur gjatë një interviste televizive tha se në këshillat bashkiakë, partitë do të kenë listë të përbashkët.
“Tani ka listë të përbashkët, PD, PL, PBDNJ dhe PDK do të kenë një listë të përbashkët. Do të biem dakord ne kush do të jenë kandidatët e secilës parti dhe është dakordësi”, theksoi ai.
Sipas Bylykbahsit, koalicioni me ligj, ka listë të përbashkët.
“Dikur e kishim shumë mirë ne, secili kishte listën e vet. Rama e ndërroi koalicionin në të njëanshëm në Korrik kur ndryshoi Kushtetutën, më pas në Tetor të 2020-ës kur bëri Kodin Zgjedhor. Tani ka listë të përbashkët, PD, PL, PBDNJ dhe PDK do të kenë një listë të përbashkët. Do të biem dakord ne kush do të jenë kandidatët e secilës parti dhe është dakordësi. Dhe ata që do të jenë këshilltarë dhe janë demokratë e deklarohen të tillë në këshill, janë në një listë të përbashkët dhe me ata të PL-së”,tha Bylykbashi.
Ajo që nuk u kuptua është se përse kjo këmbëngulje nga ana e Bylykbashit, kur PL e Ilir Metës i ka dorëzuar listat e keshilltarëve për 14 majin. Madje ai i bëri edhe reklamë 63 emrave për Këshillin Bashkiak të Tiranës që ishin të gjithë nga LSI.
m.b./dita
