Kryeministri Edi Rama ka çelur në Athinë ekspozitën e tij të titulluar “IMPROVISATIONS”.
Ai është shoqëruar nga gruaja e tij Linda dhe djali i vogël, Zaho.
Janë 33 punime pikture të krijuara vitet e fundit, ku 15 prej të cilave të vitit 2023 si dhe disa punime porcelani.
Ekspozita u inaugurua prej ministrit të jashtëm grek Nikos Dendias, i cili vlerësoi Edi Ramën si artist, por edhe si politikan.
Dendias falënderoi kryeministrin shqiptar për vendimin e tij për shpalljen e 6 marsit ditë zie kombëtare, në kujtim të viktimave të aksidentit hekurudhor të Tempit, ku humbën jetën 57 vetë, mes tyre edhe 6 shtetas me orgjinë shqiptare.
Shqipëria tha Dendias, ishte vendi i vetëm në botë veç Qipros, cili mbajti zi për viktimat e atij aksidenti aq tragjik.
“Ju jemi mirënjohës që u gjendët pranë nesh në ato momente aq të vështira për kombin tonë”, tha ai.
Kryeministri Qyriakos Mitsotakis mbërriti në ekspozitë mbas çeljes së saj për shkak të agjendës tepër të ngarkuar të tij.
Vizita e zotit Rama vijon me një darkë pune me kryeministrin Mitsotakis në selinë qeveritare “Maksim”, ku delegacionet e dy vendeve qo të kenë bisedime dypalëshe lidhur me temat e hapura në marrëdhëniet dypalëshe.
o.j/dita
