Ekipi vlonjat i futbollit e ka humbur shkëlqimin e dikurshëm, teksa rënia në kategoritë inferiore dhe dëshira për ngjitje po shoqërohet edhe me akte dhune nga tifozët. Humbja e Flamurtarit sot, ku Dinamo arriti të marrë një fitore me shume polemika në Vlorë, shkaktoi edhe ilaritet mes tifozërisë vendase, e cila shpërtheu në akte dhune ndaj arbitrave. Kryeqytetasit fituan me shifrat 0-1, falë golit të Denison në minutën e 83. Ky realizim erdhi nga një penallti që solli shumë kontestime.
Në Vlorë nuk ishin aspak dakord me vendimin e arbitrit. Gjithashtu edhe tifozët nuk ishin aspak të sigurt për penalltinë e dhënë, duke hedhur shishe në fushën e blertë. Trajneri i Flamurtarit, Troisi, u tensionua në pankinë dhe do të ndëshkohej me karton të kuq. Në fund ekipi i Mehmetit grumbullon tre pikë të tjera dhe shkon në vendin e dytë në Kategorinë e Parë, me një pikë më pak se Skënderbeu. Menjëherë pas mbylljes së ndeshjes, lumë shishesh shpërthyen për arbitrat e takimit që u larguan të shoqëruar nga policia.
