Marta Kos, Komisionerja për Zgjerimin e Bashkimit Evropian, ka vlerësuar progresin e Malit të Zi në procesin e anëtarësimit në BE, gjatë Samitit të Procesit të Berlinit që po mbahet në Budva duke theksuar se është e lumtur të rikthehet dhe të shikojë përparësinë e vendit.
Ajo theksoi se javët dhe muajt në vijim do të jenë vendimtarë për vendet e rajonit, duke cituar se sfidat e Malit të Zi, Serbisë, Shqipërisë dhe Kosovës janë në rrugën e tyre evropiane.
Gjatë deklaratës së saj përsa i përket Shqipërisë, Kos shtoi se për ruajtjen e ritmit të reformave dhe të përparimit drejt anëtarësimit në Bashkimin Evropian. Komisionerja në mbyllje të fjalës së saj e cilësoi takimin e liderëve të rajonit si një mundësi të rëndësishme për të diskutuar perspektivën evropiane të Ballkanit Perëndimor.
“Ky është vendi që kam vizituar më shumë se çdo vend tjetër gjatë këtij viti, gjë që është e natyrshme, pasi Mali i Zi është vendi që po përparon më shumë në procesin e anëtarësimit në Bashkimin Evropian. Jam gjithmonë e lumtur të rikthehem për të parë nga afër se si po ecën përpara një vend që është i vendosur të bëhet anëtar i Bashkimit Evropian. Javët dhe muajt në vijim do të jenë vendimtarë për të gjithë ne. Për Malin e Zi, momenti vendimtar do të jetë kalimi i vijës së finishit në procesin e anëtarësimit. Për Serbinë, zgjedhjet e së dielës së ardhshme. Për Shqipërinë, ruajtja e ritmit në rrugën drejt Bashkimit Evropian. Dhe, sigurisht, për Kosovën, zgjedhja vendimtare është të vazhdojë të ecë në përputhje me të drejtën ndërkombëtare dhe shtetin e së drejtës. Pikërisht për këtë arsye, mendoj se është shumë pozitive që udhëheqësit e rajonit dhe të gjithë Procesit të Berlinit janë mbledhur sot në këtë vend të bukur, Malin e Zi”, tha Kos.
j.l./ dita
