Bashkia e Tiranës ka vijuar edhe këto ditë me ndërhyrjet në mënyrë kapilare nëpër lagje për përmirësimin e infrastrukturës.
Ekipi i Mirëmbajtjes së Rrugëve në kryeqytet u kujdes për riparimin e shtresave asfaltike në zona të ndryshme si rrugët “Ligor Lubonja”, “Danish Jukniu”, “Ilia Papanikolla”, “Bubulina”, “Fadil Hadushaj”, Blloku i Nj.A.nr.4, “Shyqyri Bërxulli”, “Him Kolli”, “Llazi Miho”.
Kryebashkiaku Erion Veliaj ka siguruar banorët se këtë mandat një vëmendje të veçantë do të marrin ndërhyrjet nëpër lagje, për të çuar asfaltin deri në shtëpinë më të largët.
