Ish-kreu i SHISH-it Fatos Klosi, e ka cilësuar foltoren e demokratëve si fundin politik të Sali Berishës. Në një intervistë televizive, Klosi tha se Fatos Nano iku vetë nga pushteti në 2005-ën pasi ishte lodhur nga të qenit kryeministër.
“Fatos Nano donte të ikte. Ishte lodhur nga të qenit kryeministër. Nano e dorëzoi pushtetin, nuk e fitoi Berisha. Ishte lodhur ai. Fundi i Sali Berishës për mua është kjo që bëri pas vendimit të Lulzim Bashës për ta ndarë nga Grupi Parlamentar i PD-së.
Foltorja e Berishës është fundi i tij. Pavarësisht se ai arriti të tregojë qe kishte shumë mbështetës brenda PD-së, ai ka shumicën e anëtarëve të kësaj partie, po nuk ka elektorat dhe nuk ka për të pasur. E treguan zgjedhjet e 6 marsit. Populli shqiptar nuk e pranon luftën që po bën Berisha me SHBA-në dhe këtë luftë po e bën për interesa personale. Berisha nuk qenka ai që kemi njohur deri tani dhe populli këtë e ka kuptuar.”, tha Klosi.
m.b./dita