HIV/AIDS vijon të marrë jetë njerëzish në vendin tonë, duke prekur më së shumti moshat mesatare.
Autoritetet e Institutit të Shëndetit Publik bëjnë me dije se ky vit ka qenë fatal për pesëmbëdhjetë persona të infektuar nga HIV/AIDS.
Ndërkohë që deri në muajin nëntor të këtij viti, bëhet e ditur se 113 raste janë regjistruar me HIV në vendin, mes të cilëve 87 janë meshkuj, 26 femra. Ndërkohë që 2 prej rasteve janë tek femijet.
Nga këto shifra, 15 persona kanë humbur jetën, 8 nga të cilat janë vdekje te rastet e reja.
Meshkujt vijojnë të jenë më të ekspozuar ndaj HIV/AIDS, duke shënuar edhe numrin më të lartë të viktimave.
Pavarësisht sensibilizimit, numri i infektimeve vijon të mbetet i lartë, por ajo që e bën edhe më problematike këtë situatë, është fakti se janë prekur edhe të mitur.
Qe nga viti 1993 e deri në muajin nëntor të 2023-shit në vendin tonë, janë regjistruar 1716 raste me HIV/AIDS, ndërsa numri total i viktimave ka shkuar në 343, shifër kjo tejet shqetësuese.
1 dhjetori është “Dita Botërore e Sidës”, data e përkujtimit global që është respektuar nga vendet anëtare të OKB-së çdo vit që nga viti 1988. Kjo ditë shërben si një mundësi për njerëzit në mbarë botën që të bashkohen në luftën kundër HIV/AIDS , për të treguar mbështetje për njerëzit që jetojnë me këtë sëmundje dhe për të përkujtuar ata që kanë humbur jetën nga një sëmundje e lidhur me AIDS.
p.k\dita
