Vijojnë të rriten rastet me fruth në Shqipëri. Sipas të dhënave të Institutit të Shëndetit Publik, deri tani janë konfirmuar 17 raste me fruth.
12 prej rasteve janë me lidhje epidemiologjike dhe shenja klinike.
Nga 17 raste me fruth, 12 prej tyre kanë lidhje familjare me njëri-tjetrin, por nuk janë nga e njëjta familje.
Një ditë më parë Drejtoresha e Institutit të Shëndetit Publik, Eugena Tomini bëri thirrje për vaksinimin e fëmijëve duke garantuar se nuk është shkak për autizmin.
Në raportin e fundit, Organizata Botërore dha alarmin për rritjen drastike të rasteve të fruthit në Europë, rreth 45 herë më shumë sesa në vitin 2022.
a.c./dita
